reenex膠原自生 好唔好? 告訴妳是超級黑店!

香港Model 山田玲子:

前排見係生日優惠填咗join reenex 試做
個網寫試做完有枝卸妝水送
但預約個日個人好攰就冇去到
咁惡夢就來了
（當日我堅決冇接任何電話

過多幾日又係2/3字頭打黎
都有諗過唔聽 但係有時我接job都會係呢啲公司電話
咁就聽咗 咁當然又係佢地啦
咁就重新預約咗另一日（中秋正日
做之前三日開始 佢地日日打兩三個電話黎提我
Sms都有（次次號碼都唔同
咁我就覺得有少少cam(佢只打一兩個我實去
洗唔洗咁大費周章日日打幾個電話提我去做免費treatment

Reenex試做, 貼錢買難受!
超級黑店之玩謝你!

作者: kama122333

係九月頭，我一早book左今日既1:00pm試做個個免費體驗膠原自生療程，重帶埋我朋友一齊去，
諗住試下無防。
我本身住馬鞍山，搭車出去都成35,40分鐘度，但諗住有得試做，就算幾忙都值得。
之後入到去，我同我朋友坐左好耐，唯有係度吹水，
之後終於有人帶我地入去做，我同我朋友一個左，一個右，分開兩邊行，
之後惡夢時間開始！
個個人叫Ling Lam，係幫人做facial個個，
我係度見到其他sis係先有skin既分析，
但係個個Ling Lam一開始就話你有咩想改善，
我咪話暗瘡、印個d la,
之後佢就話不如join course la,我就建議你買6-12次，但其實24次就係一定要買齊先會好嫁，
我個心當堂o哂，第一我係學生，重係讀緊AL個種，鬼有咁多$$？
第二，就算我有$，你做都未幫我做，唔通連效果都唔洗睇就join？？？？？？！！！有冇搞錯！
但之後我諗，唉，算la，免費facial都係咁sell ga la，我忍佢la唯有！
之後佢又幫左我去另一間房，俾左一d做左做多次既客既效果我睇，係咁迫我join，重要完全冇意慾幫我做facial！！
我就問佢唔係有得做skin分析既咩？
你地估下佢講咩？勁hurt我，勁無禮貌！
佢話，睇你都知你d 皮膚有問題，鬼洗做咩分析咩！
我當堂係呆左，咩你咁講野嫁！！！！！？？？？
我就係skin唔好先來試下做facial，
如果好好既，only自己做護理就得la，洗咩來搵你！！！！

又hard sell，態度又差！


其實我本身我呀媽因為擔心我d暗瘡，出面都有join courses既，
咁我咪同個Ling Lam講，我要問呀媽先bo，
佢就話好呀，到時幫你呀媽book埋做free facial，
我就諗，是但la反正係free既，
之後就求其約左個date，
我就諗終於做個la，佢講左成個鐘呀！！！！！HELP！！
之後佢又幫番我出去，又行左勁多路，我又係唔認路個d人，
但最好笑係，佢帶番我出大堂，我成個人呆左，
因為我見我個fd唔係度，我諗佢應該做緊facial，
之後我問個個Ling Lam，唔係做facial咩？
佢之後竟然話，你book左同埋你呀媽一齊做呀ma！
下！？？我幾時，你armarm係話淨係我呀媽來試做 ja bo!!!!!!!!!!!!
我當堂想殺人！
之後佢走得幾快，問都冇機會再問佢野，
我即刻問其他既staff，幫我搵番個Ling Lam來呀，
之後Ling Lam又來話，咩事呀，小妹妹，
我就話就算要叫埋我呀媽來，咁唔通效果都唔洗睇嫁？！
唔係應該係做完覺得好先來咩？我就咁同佢講，
之後佢竟然話，下，而家過左咁耐(其實全程係因為你狂hard sell我先冇左成個鐘)
佢話，今日d booking full哂wo，唔好意思呀，
你坐係度慢慢等你朋友la.....=.=
冇病呀你，原來我而家先知我係專程出來俾你sell，
重要facial都冇個做，想睇效果都冇la！！！
我來完全係為左Ling Lam你嫁！好勁呀你，俾個叻你wo~

我對Reenex係完全失望，我都唔知去唔去10月個booking，
但佢可能會叫我叫埋我d姨媽姑姐來join course，再幫我拖到11月

我試過, 真係超級黑